نفرت همي دخان!
(زجل مغربي)
نفرت همي وحزاني دخان
نتعذب فالدنيا بكي النفير
لمعاودة والشكوى ع الرحمان
يكون ليا فحياتي عوين
نبكي فالدنيا عل لهموم
وعلى حظي وقلة التدبير
مول النية عاش بحالي غشيم
غادر الدنيا ومات فقير
وصاحب المال صال و جال
فݣنازتو تبعوه ناس كثير
آش من قيمة عند ناس ليوم
لي غاب بيناتهم فعل الخير
لا حيلة تنفعك مع الله يا الغافل
غير المعقول وديارت الخير
دخان نفيري خنقني وقتلني
وأمور حياتي تدمرات كثير
ما نفعات شطارة معاها ليوم
ولا كوشة دخان ولا تخدير
نترجى من الخالق صباح وعشية
يفرج حوالي وتكون الخاتمة بخير
-بقلم: محمد دومو
-مراكش/ المغرب
ليست هناك تعليقات:
إرسال تعليق