كان نفسي ...... وائل سعيد
===========
كان نفسي أكمل دنيتي
جوا عيلة
واشوف بنتي ووردتي
في أجمل خميلة
وابني منور بدلته
قائد كتيبة
لكن حياتي اتبدلت
بين يوم وليلة
والزمن قلب ضحكته
لأنات طويلة
واللي بيحمي حلمنا
خرم السفينة
مرحمش ضعفي ومحنتي
وهدم السكينة
وكل حاجة في دنيتي
بقت حزينة
الليل تقلت خطوته
وحاجات كتيرة
واللي دبحني بشكوته
قلب الحقيقة
لله شكاني بحوبته
وحبك الجريمة
رضيت بحكمه وحكمته
شاهد علينا
......... وائل سعيد ...
ليست هناك تعليقات:
إرسال تعليق